გინება წარმართული ჯადოა
როგორც სახარება გვეუბნება, უფალმა სიტყვით შექმნა ხილული და უხილავი სამყარო. უფალი ისეო ქრისტე სიტყვით კურნავდა მძიმე ავადმყოფებს და სიტყვითვე დევნიდა ადამიანთაგან ბოროტ სულებს, აღადგენდა მკვდრებს და ა.შ.
არამხოლოდ უფლის ბაგეთაგან გადმოსულ სიტყვას აქვს რეალური ძალა, არამედ თითოეული ჩვენგანის, რადგანაც სიტყვის მადლი ადამიანს უფლისაგან აქვს ბოძებული. როდესაც ღმერთმა ადამიანი შექმნა, მიანიჭა მას მეტყველების პატივი და ამით იგი ცხოველებისაგან განასხვავა. სიტყვაა ადამიანის შემოქმედებითი იარაღი. საყოველთაოდ ცნობილია, რომ კეთილ სიტყვას შეუძლია, დიდი ნუგეში სცეს ადამიანს, ბოროტმა სიტყვამ კი შესაძლოა, მოკლას კაცი. სოლომონ ბრძენი ამბობს: ,,გესლიანი ენა მახვილივით ჩხვლეტს, ბრძენკაცის ენა კი მკურნალია,, ჩვენ უნდა ვიცოდეთ, რომ კეთილი სიტყვა უფალთან გაგვამართლებს, ბოროტი სიტყვით კი დავისჯებით.
ჩვენ კი, ადამიანები, ხშირად დაუფიქრებლად ვისვრით სიტყვებს და არ გვაინტერესებს, ამას რა შედეგი მოჰყვება. დღეს მოურიდებლად საქვეყნოდ იგინებიან და მათ ზოგიერთი ქალიც ბაძავს. უფრო მეტიც, დღეს უკვე მაგინებელთა რიგებს ბავშვებიც შეემატნენ.
ქუჩაში ხშირად შეხვდებით ახალგაზრდებს, რომლებიც ხუმრობა-ხუმრობაში ერთმანეთს დედას აგინებენ. გინება თანამედროვე მოზარდების ურთიერთობის სტილად იქცა. უფრო ხშირად კი საკუთარი დედის მაგინებელს ნახავთ. .
დღეს ლანძღვა-გინება გვესმის არამარტო ქუჩებში, ასევე დაწესებულებებში,
ტელეეკრანებიდან, ვკუთხულობთ თანამედროვე ავტორების წიგნებსა და ჟურნალებს, მათ შორის ---- ზოგიერთი პატივსაცემი პოეტის შემოქმედებაში.
მეცნიერებმა დაასაბუთეს, რომ ბილწსიტყვაობას დამანგრეველი გავლენა აქვს ადამიანის დნმ-ის სტრუქტურაზე. ბიოლოგიის მეცნიერებათა დოქტორმა ივან ბელიავსკიმ მეცნიერულად დაამტკიცა, რომ ყოველი ჩვენ მიერ წარმოთქმული სიტყვა, რაც უნდა პარადოქსურად მოგეჩვენოთ, გავლენას ახდენს ჩვენივე გენეტიკურ კოდზე და თვით სიცოცხლის ხანგრძლივობაზეც კი.
კვანტური გენეტიკის ფუძემდებელმა პეტრე გარიაევმა, დაიწყო საგანგებო კვლევები და შექმნა ხელსაწყო, რომელიც ადამიანის მიერ წარმოთქმულ სიტყვებს ელექტრომაგნიტურ რხევებად გარდაქმნის. შემდეგ მეცნიერი აკვირდებოდა, თუ როგორ მოქმედებდა ეს რხევები მემკვიდრეობის მოლეკულებზე დნმ-ზე. გაირკვა, რომ ზოგიერთი
,,ბოროტი სიტყვები კლავენ არამარტო მათ, ვისადმიც წარმოითქმება, არამედ მათაც, ვინც მათ წარმოთქვამს’’
სიტყვის მოქმედება გავლენას ახდენს მის გენეტიკურ კოდზე, ამახინჯებს მემკვიდრეობით როგრამებს, იწვევს მუტაციებს. ბილწსიტყვაობის დროს იკლაკნება და წყდება ქრომოსომები. გინება ადმაიანის ჯანმრთელობას გამოუსწორებელ ზიანს აყენებს. ბილწსიტყვაობის ზემოქმედება 10-40 ათასი რენტგენის რადიაციული დასხივების ტოლფასია. ქრისტიანი ამგვარი აგრესიისგან თავს ლოცვით იცავს. აგრეთვე დამტკიცებულია, რომ კეთილი სიტყვა მკურნალია.
მამა გიორგი (სანამაშვილი)
